التناحه
مش قادره افهم ليه التانحه اللي فيها الناس دي
بجد بفتكر و قتها سمير غنام في مسرحية المتزوجون و هو بيقول سبع سنين فول و اخد الكورس كامل
بحس ان ده اللي الناس فيه
كنت سايقه كالعادة بعربيتي الكحيانه و واحده راحت مصدره لي الطارشه و هي بتعادي
ادتني ظهراها بكل تناحه
و كنت هدهسها
لولا ان ربنا بيحبني و عايز اللي زيي ما يتبهدلوش
النتاحه في ان زميلي اللي في المكتب يفقعني مهموز يطلع من دماغي و يجي يمثل انه ما يعرفش حاجه
و طبعا و قتها جزيت علي ضروسي
و كنت هطرقع بس استهبلت زي ماهو استهبل
كان هيدخلني السجن علي رجلايا الله يخرب بيته
البني ادم التنيح
مش لاقيه بصراحه تعريف للتناحه يتكتب اويتقال يكفيك انك تبص علي الممثل ده اللي بيقول (الله) بخنفان بصراحه مش فاكره اسمه ايه بس كان قال ايه بيطلع علي انه كوميدي و ده من ضمن التناحه بتاعت المخرجين
التناحه من انسان يبص لك من فوق لتحت بتفصيل قمه في الملل و قلة الذوق و يكاد يكون نفسه في وشك (احم احم اففف)
سعدوني يا جماعه علي اني اوجد تعريف للتناحه لان المتنحين كتير حواليا
جازز علي ضروسي
9 comments:
انا قعدت اجز على السنتين اللى حيلتى
لحد مالخلخو.
واقدر اقولك ان التناحه لما تلاقى اللى قدامك بيتنطط زى الفشارة والواحد ولاعلى باله مع مضغ لبانه لزوم التحابيش:)
حلو موضوع التناحه دا بس حاسبى من كتر الجزجزة:)
بصى ياستى انا مش هنسى يوم الكشف الطبى اللى بيتعمل قبل دخول الكليه.
كان يوم عالمى وطلع عينى فيه
كمان كان اول مرة اعتمد بقى على نفسيتى ودخلت المعركه
رحت شئون الطلبه وبعدين كعوبى دابت على ماجبت طابع يتيم
وبعدين لفيت الكرة الارضيه على مالقيت مكان الكشف الطبى
حتى سواق التاكسى صعبت عليه اول ماشافنى قاللى شكلك لسا خارجه من الثانويه العامشه. سواقين التاكسى دول تلاقيهم اكتر ناس حاسين بهموم المواطن
ربنا يخلليهم للشعب:)
المهم بعد مارحت كان لكل قسم دكتور
وانتى بس تمشى على كل واحد يعلم صح على التخصخص بتاعه
بس الشهادة لله فى واحد كشف عليا
بتاع العيون..قعدنى قدام لوحه العلامات
وغمضت عينى وقعدت اقوله دى لفوق ودى يمين.. بصراحه كان يوم مفيد جدا
طيب وايه لازمته يعنى كله الهده دى طالما كله بيخلص عالورق.. طيب ماكنت انا اعلم صح صح وخلى حكيم الصحه يبصملى:)
ياللا طولت عليكى بس انا فعلا مش هنسى اليوم دا.. وربنا على ظالم ومفترى
تحياتى
التناحة انه سبحان الله نفس الاحساس اللى بيوصلك وانتى فاتحة الديب فريزر وواقفة قدامه هو اللى بيوصلك من ناس معينة لما تبصى فى خلقهم ودول اكتر ناس بيحتفظوا بشبابهم و بصحتهم على فكرة , حسبى ربى
يا عيني يا صرصورتي, معلش يا ضشنايه
اكتر من كده و يزيح ربنا, انت لسه في اول الطريق
اما يا لوجي و الله انت شويه قربتي من التعريف
بس انا ببرد بسرعه
اقفلي التلاجه
و قولي حاجه اسخن من كده
ههههههههه
اللهم صلي علي محمد
بسيطه جدا
التناحه : حالة من إنحطاط والعته تصيب الكائن التنح فيصير لزجا بعض الشئ مقزز يصيبك بالغثيان ويبرك على أن تقئ حتى تكتمل الحاله إضافة الى إستحضار لصورة كافة الحيوانات القبيحه كالخنزير مثلا
لمعرفة المزيد عن تعريف التناحه التناحه يرجى مراجعة لسان الغجر فى مادة تنح
تحياتشي على راى ميمو
يااااه يا ملاح
ده انت ملسوع من التناحه جامد اوي
ده بالاضافه لانك تقريبا عايش معها
ايه الكلام المعبر المزفلط ده
مرسي ليك و لمشركتك معايا
ههههههههههههه
عسل يا دودو و الله
بس تصدقى ان ساعات ببقى نفسى ابقى تنحة
اتلسعنا كتشير يا حبيبتشى والله
او بمعنى اصح ثلجنا
عليه الصلاة و وازكى السلام
عليه الصلاة والسلام
اهم الانباء فى عالم التدوين:
ــــــــــــــــــــــــــــــــــــــــــ
"مسابقه افضل موضوع"
http://best-post.blogspot.com/
"من أجل مدونات نظيفة"
http://5fadfada.blogspot.com/2007/04/blog-post_20.html
"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html
ياريت تشرفونا وتشاركوا معانا فى المواضيع دى
فكرة جنان
Post a Comment