انا بصراحه يا جماعه من كتر الزهق فكرت ليه ما نعملش مظاهره سلميه
ليه ما نقولش لا,,,,, ليه؟ ليه بنطلع نتكلم و نعمل مظاهرات عشان البلاد التانيه و احنا موكوسين
انا عمري ما طلعت في مظاهره ,بس عايزه اعمل مظاهره عشان يبطلوا ينزلوا اللبس المقرف ده للبنات, عايزه اعمل مظاهره عشان الشباب اللي مش عارف يتجوز,عايزه اعمل مظاهره عشان الفاصل الاعلاني
ليه ما نقولش لا علي بيع جامعه الاسكندريه
ليه الاسكندرنيه ما يصرخوش
ليه؟؟؟؟؟
ليه ما فيش مرور عدل في بلدنا ها ليه؟؟؟
ليه مافيش برامج ثقافيه صح ليه؟؟
بدل البرامج اللي عماله تفضح في القرف اللي عندنا
و تزود همنا
قال كده بيوعونا
و احنا حمير اصل او دمغنا فاضيه
ليه مافيش تعليم كويس ها
الرحمه بقي
لييييييييييييييه؟؟
ليه؟ ما نتكلمش ليه؟؟
مش قادره
حاسه و انا بكتب ان في الف حاجه فرماني
انا ممكن اروح في داهيه بسبب الكلمتين دول
بس مخنوقه
هطرشق
عايزه افضفض
عايزه اصرخ
عاااااااااااااااااااااااااااااااااااااا
عاااااااااااااااااااااااااااااااا
يا لاهويييييييييييييييي
اف
استريحت شويه
بس لسه في تاني
عاااااااااااااااااااااااااااااااااااااااااااااااااااا
بجز علي ضروسييييييييييييييييييييييييييييي
8 comments:
حضرتك بتجزى على ضروسك ماشى
وانا بجز تضامنا معاكى و من اللى بشوفه فى الشارع و فى الجامعة وفى كل نيلة
بس محدش بيتكلم عشان حضرتى و حضرتك باين اللى بقينا بنحس مع فئة قليلة مبقتش تستخدم الحكمة العظيمة:
كبر تعيش تاكل قراقيش
الباقى انتشرت فى جسمه الخلاايا الحلوفيه و استفحلت
ارحمنى يارب
Regards:
Lojain :)
أنا كمان عاوز اجز معاكي تضامناً .. ونجيب شوية ناس يجزوا معانا ونأسس حزب نسميه المفقوعين أو المتغاظين أو الجزازين ... ونقعد في الاجتماعات نجز بقى وكده
الله يخرب بيت الرعب اللي احنا عايشين فيه
دانتي طلعتي حكاية
هلف لفة في مدونتك وابقي اقولك
لا حكايه و لا حاجه
انا بس بقول اللي في قلبي
و مستنيه اشوف تعليقك في كل مدونه
طمع يعني:)))))
الاسهل انك تشوفيلنا وطن تاني نعيش فيه
قبل ما صوتك يروح من الصريخ
و الحكومة حاطة شمع في ودانها
يا سمباتيك يا حببتي احنا قاعدين فيها علي قلبهم و حاجه من الاتنين يا صوتنا يروح ,,,يا ودنهم تقع او يغيروها وعلي ما اعتقد هتتغير ان شاء الله
تعرفي..المدونة دي رغم إن مفيهاش شغل شكلي بس متهيألي أقربلك أوي من أي مدونة ممكن تتعمل
واقعية وحقيقية اوي
وأغلب كلامك في البوست ده تحديداً بيبين إنك حطيتي إيدك علي جروح كتيرة في قلب بلد كان المفروض إنه من أحسن البلاد بس دلوقتي بنحلم يبقي عندنا مرضي أقل من اللي في غزة المطحونة والمحاصرة واللي بنقفل في وشهم باب الأمدادات
لسه قاري دلوقتي مقال لإبراهيم عيسي..غزة فيها 250 مريض بالفشل الكلوي والعياذ بالله..غزة المليونية المحاصرة اللي وضعها ميخفاش علي الأعمي فيها العدد ده ..وإحنا في مصر في شارع واحد زي شبرا ممكن يكون عندنا ضعفهم ألف مرة ..تفتكري الحل إيه
فكري في واحد وأبقي قوليلي ..أو علي الأقل عرفيني إنك عارفة
ربنا يهدينا بقي عشان كفاية كده
بحييكي جداً علي المدونة ككل والبوست ده تحديداً
بس أكيد الحل مش في ال صراخ
سلام
ربنا يكرمك
هي فعلا مدونه لو كنت تعرف سبب عملها في اول بوست ,,,هي بعيد عن بعض الصور اللي انا بشوفها مشرقه ,,,هنا التعاملات الحقيقه
شكرا لك اوي وواضح انك لفيت لافه حلوه في البلوج بتاعي
تحياتي
Post a Comment